تحریک انصاف کشمیر اسمبلی کی ایک اور نشست ہار گئی

کشمیر: پاکستان تحریک انصاف (پی ٹی آئی) آزاد جموں و کشمیر اسمبلی کی ایک اور نشست ہار گئی۔ 

تفصیلات کے مطابق پاکستان مسلم لیگ (ن) کے امیدوار چوہدری اسماعیل نے ایل اے 35 جموں 2 کے نتائج میں دھاندلی کی درخواست دی تھی اور الیکشن ٹربیونل نے دھاندلی ثابت ہونے پر الیکشن کالعدم قرار دے دیا تھاالیکشن ٹربیونل نے پی ٹی آئی کے امیدوار چوہدری مقبول گجر کی جیت کا نوٹیفکیشن بھی منسوخ کردیا۔

 ٹریبونل کی طرف سے جاری کردہ فیصلے میں کہا گیا کہ ایل اے 35 جموں 2 کے انتخابات کو کالعدم قرار دے کر دوبارہ کرایا جائے۔ٹربیونل نے الیکشن کمیشن کو دھاندلی میں ملوث اہلکاروں کے خلاف کارروائی کا حکم بھی دیا۔