قومی کرکٹرز کی پانچوں گھی میں، ماہانہ کتنے پیسے ملیں گے؟

لاہور: قومی کرکٹرز کو سنٹرل کنٹریکٹس کےماہانہ کتنے پیسے ملیں گے؟ سنٹرل کنٹریکٹس کے چار کٹیگریز کی تفصیلات سامنے آگئیں۔

پی سی بی کے مطابق سینٹرل کنٹریکٹ کیلئے کھلاڑی کو مختلف کیٹیگریز میں تقسیم کیا گیا ہے۔

اے کیٹگری کے تین کرکٹرز کو تقریبا 60 لاکھ روپے ماہانہ ملیں گے ، بی کیٹیگری کے کرکٹرز کو 41 لاکھ روپے ماہانہ ملیں گے۔

سنٹرل کنٹریکٹ کی سی کیٹیگری میں شامل کھلاڑیوں کو 17 لاکھ 50 ہزار روپے ماہانہ جبکہ سنٹرل کنٹریکٹ کی ڈی کیٹیگری میں شامل پلیئرز کو 11 لاکھ 30 ہزار روپے ماہانہ ملیں گے ۔

واضح رہے کہ پاکستان کرکٹ بورڈ کی جانب سے 25 کرکٹرز کو سینٹرل کنٹریکٹ میں شامل کیا گیا ہے، یہ کنٹریکٹ یکم جولائی 2023 سے شروع ہوگا، جس میں آئی سی سی کی آمدنی کا حصہ بھی شامل ہے۔