خصوصی عدالت میں چیئرمین پی ٹی آئی کی استدعا منظور

چیئرمین پی ٹی آئی کی اڈیالہ جیل میں واک کرنے کےلئے اضافی جگہ فراہم کرنے کی استدعا منظور کر لی گئی۔ آفیشل سیکرٹ ایکٹ کی سماعت کرنے والی خصوصی عدالت نے حکم نامہ جاری کر دیا۔

خصوصی عدالت نے اڈیالہ جیل حکام کو حکم دیا کے بیرک کے ساتھ دیوار کو گرا کر جگہ بڑھائی جائیے۔ خصوصی عدالت نے جج نے چیئرمین پی ٹی آئی کی بیرک کا دورہ بھی کیا۔

سابق وزیر اعظم عمران خان کے وکلاء کی جانب سے جیل سہولیات کا معاملہ اٹھانے کے بعد جج ابوالحسنات ذوالقرنین نے عمران خان اور شاہ محمود قریشی کے سیلز کا دورہ کیا 

جج ابوالحسنات سے کہا کہ سابق وزیر اعظم نے درخوست کی تھی کہ ان کے چلنے پھرنے پر جیل میں پابندی ہے جس کے بعد جج نے سرپرائز دورہ کیا اور کمرے کے باہر دیوار توڑ کر 60 سے 70 فٹ جگہ بنانے کا حکم دیا ہے، چیئرمین پی ٹی آئی کے سیل میں اٹیچ باتھ موجود ہے اور صآف ستھرا ماحول ہے،

جج ابوالحسنات نے مزید کہا کہ عدالتی سماعت میں وکلاء کی جانب سے کچھ نوک جھوک ہوئی ہے، وکیل شیر افضل مروت نے چیئرمین پی ٹی آئی کو چالان کی کاپیوں پر دستخط کرنے سے روکا ہے تاہم چالان کی نقول وکلاء اپنے ساتھ لے گئے ہیں، اگر ہائی کورٹ نے اس پر کوئی فیصلہ نہ دیا تو آئندہ سماعت پر فرد جرم عائد ہو جائے گی۔