الیکشن کمیشن میں ابتدائی حلقہ بندیوں پر اعتراضات جمع کرانے کا معاملہ

الیکشن کمیشن میں ابتدائی حلقہ بندیوں پر اعتراضات جمع کرانے کا معاملہ، الیکشن کمیشن نے اعتراضات جمع کرانے کےلئے ہدایت نامہ جاری کر دیا۔

الیکشن کمیشن کے ہدایت نامے کے مطابق درخواست دہندہ کا متعلقہ انتخابی حلقے کا ووٹر ہونا ضروری ہے۔اعتراضات درخواست گزار یا تحریری طور پر نامزد کردہ نمائندہ جمع کرو سکتا ہے۔

اس کے علاوہ اعتراضات سیکرٹری الیکشن کمیشن کے نام ہوں گےاور اعتراضات پر درخواست گزار کے دستخط ہونا لازمی ہیں۔ کوریئر سروسز، فیکس یا ای میل کے ذریعے بھیجا گیا اعتراض قابل قبول نہ ہو گا۔

ابتدائی حلقہ بندیوں پر اعتراضات دفتری اوقات کے مطابق صبح 8 سے شام 4 بجے تک جمع کروائے جا سکتے ہیں۔ اعتراضات جمع کرانے کی آخری تاریخ 22 اکتوبر ہے۔