جتنی مرضی کوشش کر لیں ، عمران خان نے نہیں ٹوٹنا، علیمہ خان

چیئرمین پی ٹی آئی کی بہن علیمہ خان نے کہا ہے کہ عمران خان ٹوٹنے والے نہیں ہیں انھوں نے نہیں ٹوٹنا آپ جتنی مرضی کوششیں کر لیں۔

پی ٹی آئی چیئرمین کی بہن علیمہ خان نے جیل میں بھائی سے ملنے کے بعد میڈیا سے گفتگو میں کہا کہ مجھے ان کا چہرہ نورانی لگ رہا تھا چار مرتبہ قرآن شریف کا ختم کرچکے ہیں اور دوسری کتب کا بھی مطالعہ کر رہے ہیں۔

علیمہ خان نے مزید بتایا کہ عمران خان جیل میں فٹ ہیں ، بہت زیادہ کتابیں پڑھ رہے ہیں اور بہت زیادہ معلومات حاصل کررہے ہیں اور مزید کتابیں منگوانا چاہتے ہیں۔

میڈیا نمائندوں نے جب علیمہ خان سے یہ سوال کیا کہ عمران خان کے وکلا اور آپ کی باتوں میں تضاد ہے ، وکلا کہتے ہیں طبیعت خراب ہے اور آپ کہہ رہی ہیں بالکل ٹھیک ہیں۔ جس پر انہوں نے کہا کہ ہمارے بیانات میں تضاد نہیں ہے، وکلاء نے کہا کہ ان کا بلڈ پریشر ہائی ہے اور میں نے کہا کہ انہیں غصہ آیا کیوں کہ ان کو واک نہیں کرنے دی جا رہی۔

چئیرمین عمران خان کی بہن علیمہ خان کی عمران خان سے جیل میں ملنے کے بعد میڈیا سے گفتگو

pic.twitter.com/NeonhVzt3T

— PTI (@PTIofficial) October 9, 2023

علیمہ خان سے سوال کیا گیا کہ عطا تارڑ نے بیان دیا کہ خان صاحب معافی مانگ رہے ہیں، کہا جارہا ہے کہ خان صاحب ٹوٹنا شروع ہوگئے ہیں؟ جس کے جواب میں انہوں نے کہا کہ یہ جو ہائبرڈ وار فیئر ہے نہ آپ اس کے بارے میں ذرا پڑھ لیں، یہ بیچارے تب سے ہائبرڈ وار فیئر چلا رہے ہیں کہ آج کمزور ہوگئے میں کہہ رہی ہوں کہ فٹ ہوگئے ہیں، آپ کہہ رہے ہیں کہ کمزور ہوگئے۔

عمران خان کی بہن نے مزید کہا کہ ’آپ یقین کریں کہ جس انسان کو چلنے نہ دیا جائے ہر قیدی کو آپ جا کر جیل میں دیکھیں کہ اڈیالہ جیل میں ہر قیدی کو ورزش کی اجازت ہے۔ انٹرنیشنل قانون کے مطابق ورزش کی اجازت ہے (لیکن) اگر ان کا خیال تھا کہ یہ واک بھی بند کرکے توڑ دیں گے تو میرا خیال ہے کہ میں کہہ رہی ہوں اب بس کردیں عمران خان نے نہیں ٹوٹنا آپ جتنی مرضی آئے ان پر کہانیاں نکال دیں۔