کورئیر سروسز کی جا نب سے بھیجا گیا اعتراض قابل قبول نہیں ہوگا،الیکشن کمیشن

اسلام آباد : الیکشن کمیشن نے ابتدائی حلقہ بندیوں پر اعتراضات جمع کرانے کی ہدایات جاری کردیں ہیں ۔

الیکشن کمیشن نے کہا کہ اعتراضات جمع کرانے کی چند شرائط ہیں نمائندے کو ان شرائط پر پورا اترنا ہوگا ، درخواست دہندہ متعلقہ ابتدائی حلقہ کا ووٹر ہونا ضرروی ہے ۔

الیکشن کمیشن نے کہا کہ میل یا کورئیر سروسز کی جا نب سے بھیجا گیا اعتراض قابل قبول نہیں ہوگا ، اعتراضات دفتری اوقات کار میں جمع کرائے جائیں گے ۔

اعتراضات سیکٹری الیکشن کمیشن کے نام ہوں گے ،درخواست دہندہ اپنے ضلع کی جانب سے ہی اعتراضات جمع کرا سکےگا ۔

الیکشن کمیشن میں ابتدائی حلقہ بندیوں پر اعتراضات جمع کرانے کا معاملہ#GNN #BreakingNews #NewsUpdates #GNN_Updates pic.twitter.com/EoSZ2C811Y

— GNN (@gnnhdofficial) October 9, 2023

اعتراضات پر درخواست دہندہ کے دستخط ہونا ضروری ہیں ، اعتراضات جمع کرانے کی درخواست درخواست دہندہ خود جمع کرائے گا یا درخواست دہندہ کی جانب سے تحریری طور ہر بھیجا گیا نمائندہ ہی جمع کرا سکے گا ۔