کوکو گف اور آئیگا ویٹیک’ بلی جین کنگ کپ ‘کے فائنل سے دستبردار

نیویارک: امریکا کی نامور ٹینس سٹار اور یو ایس اوپن چیمپئن کوکو گف اور فرنچ اوپن کی فاتح آئیگا سویٹیک آئندہ ماہ بلی جین کنگ کپ کے فائنل میں شرکت نہیں کریں گی۔ ڈبلیو ٹی اے فائنلز میکسیکو میں ختم ہونے کے دو دن بعد سپین میں فائنل شروع ہوتا ہے۔

کوکو گف کے علاوہ امریکی نامور ٹینس سٹار اور عالمی نمبر چار جیسیکا پیگولا، جو کوکو گف کی طرح ڈبلیو ٹی اے فائنلز کے سنگلز اور ڈبلز مقابلوں میں کھیل رہی ہیں، وہ بھی امریکی ٹیم سے غائب ہیں۔لیکن قزاخستان کی ایلینا ریباکینا اور مارکٹا ونڈروسووا اور کیرولینا موچووا کی چیک جوڑی دونوں ایونٹس کھیلنے کی منصوبہ بندی کر رہی ہیں۔بلی جین کنگ کپ فائنل کے لیے سیویل کو میزبان شہر کے طور پر اعلان کیے جانے کے چار ماہ بعدکینکون کو ستمبر کے اوائل میں ڈبلیو ٹی اے فائنلز کی میزبانی سے نوازا گیا تھا۔

سعودی عرب اور جمہوریہ چیک بھی ڈبلیو ٹی اے فائنلز کی دوڑ میں شامل ہیں میں سال کی ٹاپ 8 سنگلز اور ڈبلز ٹیمیں شامل ہیں۔ ڈبلیو ٹی اے فائنل ایونٹ 5 نومبر کو کینکون میں اختتام پذیر ہوگا جس کے دو دن بعد 12 ٹیموں پر مشتمل بلی جین کنگ کپ فائنل 7 سے 12 نومبر تک کو میڈرڈ کے شہر سیویل میں کھیلا جائے گا۔

پولینڈ کی آئیگاسویٹیک گزشتہ سال گلاسگو میں بلی جین کنگ کپ کے فائنلز سے بھی محروم رہی تھی۔ آئیگا سویٹیک نے مایوسی کا اظہار کرتے ہوئے کہا کہ سفری مشکلات کی باعث مجھے ایونٹ سے دستبردار ہونا پڑا ہے۔ انہوں نے سفری معاملات کے حوالے سے کافی عرصہ قبل ہی تمام صورتحال سے آگاہ کر دیا تھا کہ یہ ہماری صحت کے لیے محفوظ نہیں ہے مسلسل سفر صحت کی خرابی کا باعث بن سکتا ہے۔

یو ایس اوپن کی فاتح کوکو گاف اور فرنچ اوپن کی چیمپئن آئیگا سویٹیک دونوں نومبر کے ماہ میں شیڈول بلی جین کنگ کپ کے فائنل سے محروم رہیں گی ۔