آئی ایم ایف کا یوٹیلٹی اسٹورز سمیت حکومتی ملکیتی اداروں کو لیز یا فروخت کرنے کا مطالبہ

عالمی مالیاتی فنڈ (آئی ایم ایف) نے یوٹیلیٹی سٹورز سمیت حکومتی ملکیتی اداروں کو لیز یا فروخت کرنے کا مطالبہ کر دیا۔

آئی ایم نے کہا ہے کہ حکومتی ملکیتی اداروں کی سربراہی موجودہ معاشی صورتحال میں معیشت کےلئے نقصان دہ ہے، اس لئے یوٹیلیٹی سٹورز کوختم یا نجی شعبے کے حوالے کیا جائے۔

ذرائع کے مطابق آئی ایم ایف نے تجویز دی ہے کہ یوٹیلیٹی سٹورز کو نجی شعبے کے حوالے کیا جائے اور بی آئی ایس پی بجٹ بڑھایا جائے۔

نگران حکومت نے یوٹیلیٹی سٹور کی نجکاری یا ختم کرنے پر آئی ایم ایف کو کوئی جواب نہیں دیا، یوٹیلیٹی سٹورز کو ختم کر کے بی آئی ایس پی کا سالانہ بجٹ بڑھانے کی تجویز بھی زیرغور ہے۔

ذرائع انڈسٹریز پروڈکشن کے مطابق وزارت صنعت و پیداوار یوٹیلیٹی سٹورز کیلئے تاحال کسی نتیجے پر نہیں پہنچی، نگران حکومت کے دوران یوٹیلیٹی سٹورز کا حتمی فیصلہ کرنا مشکل ہے۔