ورلڈ کپ 2023، سری لنکا کا پاکستان کے خلاف ٹاس جیت کر بیٹنگ کا فیصلہ

سری لنکا نے ورلڈ کپ 2023 کی اپنی مہم کے دوسرے میں ٹاس جیت کر پاکستانی کرکٹ ٹیم کے خلاف بیٹنگ کا فیصلہ کیا ہے۔

پاکستان اور سری لنکا کے درمیان حیدر آباد دکن اسٹیڈیم میں میگا ایونٹ کا 8 واں میچ پاکستانی وقت کے مطابق دوپہر ایک بج کر 30 منٹ پر شروع ہوگا۔

ٹاس کے بعد گفتگو کرتے ہوئے پاکستانی کپتان بابر اعظم نے کہا کہ اگر ہم ٹاس جیتتے تو بھی باؤلنگ کرنے کا فیصلہ کرتے، پچ اچھی لگ رہی ہے، ابتدائی 10 اوورز بہت اہم ہیں، جلد وکٹیں حاصل کرنے کی کوشش کریں گے۔

? TOSS & PLAYING XI ?

Sri Lanka win the toss and elect to bat first ?

One change to our team today ?#PAKvSL | #DattKePakistani | #WeHaveWeWill pic.twitter.com/fZc7b2kjyM

— Pakistan Cricket (@TheRealPCB) October 10, 2023

واضح رہے کہ پاکستانی کرکٹ ٹیم نے ورلڈ کپ 2023 میں اپنی مہم کا آغاز 81 رنز کی فتح کے ساتھ کیا تھا اور اپنے پہلے میچ میں نیدرلینڈز کو 41 اوورز میں 205 رنز پر آؤٹ کرکے اپنے 286 رنز کا بھرپور دفاع کیا تھا۔

دوسری جانب سری لنکا نے میگا ایونٹ کے اپنے پہلے میچ میں شکست کا سامنا کرنا پڑا جہاں جنوبی افریقہ نے ورلڈ کپ کی تاریخ کا سب سے بڑا اسکور 428 رنز بنانے کے بعد سری لنکا کو 45 ویں اوور میں 326 رنز پر آؤٹ کرکے میچ 102 رنز سے جیت لیا تھا۔