چیئرمین پی ٹی آئی کی ان کے بیٹوں سے بات نہیں کروا سکتے، سپرنٹنڈنٹ اڈیالہ جیل کا موقف

سپرنٹنڈنٹ اڈیالہ جیل نے چیئرمین پی ٹی آئی کی بیٹوں سے فون پر بات کروانے سے انکارکرتے ہوئے مؤقف پیش کیا کہ آفیشل سیکرٹ ایکٹ کے تحت ٹیلیفونک ملاقات کی اجازت نہیں، جب کہ عدالت نے قیدیوں سے فون پر بات کروانے سے متعلق جیل ایس او پی طلب کرلیے ہیں۔

آفیشل سیکرٹ ایکٹ کے تحت قائم خصوصی عدالت میں چیئرمین پی ٹی آئی سے اڈیالہ جیل میں بیٹوں سے ٹیلیفونک ملاقات کی درخواست پر سماعت ہوئی۔ سماعت خصوصی عدالت کے جج ابوالحسنات ذوالقرنین نے کی۔

سپریٹنڈنٹ اڈیالہ جیل نے عدالت میں جواب جمع کرا دیا اور چیئرمین پی ٹی آئی کی بیٹوں سے فون پر بات کروانے سے انکارکر دیا اور مؤقف پیش کیا کہ آفیشل سیکرٹ ایکٹ کے تحت ٹیلیفونک ملاقات کی اجازت نہیں۔

عدالت نے سپریٹنڈنٹ اڈیالہ جیل سے قیدیوں سے فون پر بات کروانے سے متعلق جیل ایس او پی طلب کرلیے اور کیس کی سماعت 18 اکتوبرتک ملتوی کردی۔

واضح رہے کہ چیئرمین پی ٹی آئی عمران خان سائفر کیس میں اس وقت اڈیالہ جیل میں قید ہیں، اور خصوصی عدالت نے شاہ محمود قریشی اور عمران خان پر فرد جرم عائد کرنے کی 17 اکتوبت تاریخ بھی مقرر کردی ہے۔