شوہرکو جیل میں زہر دیاجاسکتا ہے بشریٰ بی بی کا ایک بار پھر اسلام آباد ہائیکورٹ سے رجوع

چیئرمین پی ٹی آئی اور سابق وزیر اعظم عمران خان کی اہلیہ بشریٰ بی بی نے اسلام آباد ہائی کورٹ میں ایک بار پھر درخواست دی ہے کہ ان کے شوہر کو تحفظ فراہم کیا جائے،خدشہ ہے انہیں جیل میں زہر دیا جا سکتا ہے، گھر سے کھانا بھیجنے کی اجازت دی جائے۔

بشریٰ بی بی نے ایک بار پھر اسلام آباد ہائی کورٹ سے رجوع کرلیا ہے اور چیئرمین پی ٹی آئی کی جیل میں سیکیورٹی اور تحفظ کی درخواست جلد سماعت کے لیے مقرر کرنے کی استدعا کی ہے۔  بشریٰ بی بی نے درخواست سردار لطیف کھوسہ سے توسط سے جمع کرائی

عدالت نے چیئرمین پی ٹی آئی کی درخواست کل سماعت کےلئے مقرر کرنے کی ہدایت کر دی

بشریٰ بی بی نے درخواست میں مؤقف پیش کیا ہے کہ چیئرمین پی ٹی آئی کو گھر کا کھانا فراہم کرنے کی اجازت نہیں دی جا رہی جب کہ ماضی میں قیدیوں کو سہولت دی جاتی رہی ہے، خدشہ ہے کہ شوہر کو جیل میں زہردیا جا سکتا ہے۔

واضح رہے کہ عمران خان کی اہلیہ بشریٰ بی بی نے 2 اکتوبر کو اپنے کی جیل میں سیکیورٹی کے حوالے سے اسلام آباد ہائی کورٹ میں اپنے وکیل کے ذریعے درخواست جمع کرائی تھی، جس میں کہا کہ جیل میں میرے شوہر کو زہر دیئے جانے کاخدشہ ہے۔

درخواست میں استدعا کی گئی ہے کہ 5 اکتوبر کی سماعت میں فریقین کو نوٹسز جاری کئے گئے تھے اور دو ہفتوں میں دوبارہ سماعت مقرر کرنے کا کہا، رجسٹرار آفس نے درخواست پر سماعت 25 اکتوبر کو مقرر کی ہے ، درخواست ہے ک سماعت کو جلد مقرر کیا جائے

درخواست میں استدعا کی گئی کہ ذمہ دار میڈیکل افسر کے ذریعے عمران خان کو خالص خوراک کی فراہمی کو یقینی بنایا جائے، ملاوٹ زدہ خوراک ان کی زندگی کے لیے نقصان دہ ہو سکتی ہے۔

بشریٰ بی بی نے مؤقف اختیار کیا کہ سابق وزیراعظم کو جیل مینوئل کے مطابق وہ سہولیات بھی نہیں دی جا رہیں جس کے وہ حقدار ہیں، ان کے ساتھ جیل میں غیرانسانی سلوک آئین کے آرٹیکل 9 اور14 کی خلاف ورزی ہے۔

درخواست میں استدعا کی گئی کہ چیئرمین پی ٹی آئی کو جیل میں واک اور ایکرسائز کی سہولت فراہم کی جائے، اور جیل میں سہولیات کی فراہمی سے متعلق عدالتی حکم پر عمل درآمد کرایا جائے۔