سونے کی قیمتوں میں ہزاروں روپے کا اضافہ

جہاں ملک میں ڈالرکی قدر گراوٹ کا سلسلہ جاری ہے وہی سونے کی قیمتوں میں ہزاروں روپے کا اضافہ ہو گیا ۔

تیسرے کاروباری روز کے اختتام پر سونے کی فی تولہ قیمت میں 5 ہزار 5 سو روپے کا اضافہ ہو گیا۔

لاہور،کراچی،پشاور،راولپنڈی،کوئٹہ کے صرافہ بازاروں میں فی تولہ سونا 5500روپے کے اضافے سے 2لاکھ 5ہزار روپے کاہوگیا۔جبکہ 10 گرام سونے کی قیمت 4 ہزار 715 روپے کے اضافے سے 1 لاکھ 75 ہزار 754 روپے ہوگئی ۔

عالمی مارکیٹ میں فی اونس سونا 16 ڈالر کے اضافے سے 1872 ڈالر کا ہوگیا ۔

یاد رہے کہ گزشتہ روز سونے کی فی تولہ قیمت میں 15 ہزار 5 سو روپے کی بڑی کمی کے بعد نئی قیمت 1 لاکھ 99 ہزار 500 ہو گئی تھی۔

جبکہ 10گرام سونے کی قیمت میں 13ہزار 546روپے کی کمی ہونے سےنئی قیمت ایک لاکھ 71ہزار 39روپے ہوگئی۔

خیال رہے کہ گزشتہ روز کراچی کے صرافہ بازار میں سونے کی قیمتوں کے حوالے سے ہنگامی اجلاس ہوا جس میں بلین کے نمائندوں سمیت صرافہ ایسوسی ایشن کے عہدیداران شرکت کی تھی۔