کراچی بوسیدہ عمارت کی چھت گرگئی ،3افراد جاں بحق 6زخمی

کراچی : کراچی کے علاقے شاہ فیصل کالونی میں عمارت گر گئی ۔

تفصیلات کے مطابق کراچی کے علاقہ شاہ فیصل کالونی میں بوسیدہ عمارت گر گئی جس کے باعث 3 افراد ملبے تلے دبنے کی وجہ سے جاں بحق ہوگئے ۔

ریسکیو ٹیموں نے موقع پر پہنچ کر آ پریشن شروع کر دیا ریسکیو ٹیموں نے 6 افراد کو ملبے تلے سے زندہ نکال لیا ۔

ریسکیو حکام کے مطابق زخمیوں کو قریبی اسپتال منتقل کردیا گیا ہے ۔

شاہ فیصل کالونی نمبر پانچ میں عمارت گرگئی#GNN #NewsUpdates #BreakingNews #GNN_Updates pic.twitter.com/KvQFkKXDbs

— GNN (@gnnhdofficial) October 11, 2023

اسپتال انتظامیہ کا کہنا ہے کہ 6 افراد میں سے 2 افراد کی حالت تشویش ناک ہے البتہ زخمیوں کی مرہم پٹی کی جا رہی ہے ۔

ریسکیو  حکام کا کہنا ہے کہ مزید افراد کے ملبے تلے دبے ہونے کا خدشہ ظاہر کیا جا رہا ہے ۔

یاد رہے کہ بھاری مشینری تاخیر سے پہنچنے کے باعث آپریشن تاخیرکا شکار ہوا۔