چیئرمین پی ٹی آئی کے خلاف غیر شرعی نکاح کیس واپس لینے کی بنیاد پر خارج

چیئرمین پی ٹی آئی کے خلاف دوران عدت نکاح کا کیس واپس لینے کی بنیاد پر خارج کر دیا گیا،عدالت نے مدعی کی کیس واپس لینے کی درخواست منظور کر لی۔

چیئرمین پی ٹی آئی عمران خان کے خلاف عدت میں نکاح کے کیس میں بڑی پیش رفت سامنے آگئی ہے، اور شکایت کنندہ محمد حنیف نے چیئرمین پی ٹی آئی کے خلاف اپنا کیس واپس لے لیا ہے۔ جوڈیشل مجسٹریٹ قدرت اللہ نے مدعی مقدمہ کی کیس واپس لینے کی درخواست منظور کر لی ہے۔

درخواست گزار محمد حنیف نے تکنیکی وجوہات کو بنیاد بنا کر کیس واپس لے لیا۔ چیئرمین پی ٹی آئی کے خلاف غیر شرعی نکاح کیس کل سماعت کےلئے مقرر تھا۔

واضح رہے کہ عمران خان اور بشری بی بی کے خلاف غیرشرعی نکاح سے متعلق کیس 28 اپریل کو سماعت کے لئے مقرر تھا، تاہم درخواست گزار محمد حنیف نے کیس سماعت جلد مقرر کرنے کی درخواست کی تھی۔