پب جی گیم پر بلاک کیوں کیا، دوست نے دوست کی جان لے لی

تفصیلات کے مطابق  پب جی گیم کھیلتے بننے والی دوستی جان لیوا ثابت ہوئی۔پولیس کے مطابق دوستوں نے 15 سالہ لڑکے حسن عباس کو اغوا کر کے موت کے گھاٹ اتارا۔رائیونڈ انویسٹی گیشن پولیس نے قتل کی واردات میں ملوث چار ملزموں کو گرفتار کر لیا۔

پولیس کے مطابق پب جی گیم پر بلاک کیوں کیا،دوستوں نے مل کر حسن عباس کو اغوا کر کے قتل کیا، گرفتار ملزم عطا نے اپنے تین دوستوں مصور،نوید اور مظہر کے ذریعے اغوا کیا۔ ملزم عطا نے اعتراف کرتے ہوئے بتایا کہ مقتول حسن عباس کو عطا نے بد فعلی کرنے کے بعد قتل کیا۔

پولیس کا کہنا ہے کہ  رائیونڈ سے ملزموں نے حسن عباس کو اغوا کیا اور ننکانہ صاحب جا کر بدفعلی کی، ملزم عطا نے 13 جنوری کو رائیونڈ سے حسن عباس کو اغوا کیا تھا، اغوا ہونے والے بچے کی لاش شیخوپورہ سے ملی تھی۔ملزم عطا نے قتل کی واردات سے پہلے بھی حسن عباس سے کئی بار بد فعلی کرنے کا اعتراف کیا۔

خیال  رہے کہ اس سے قبل بھی   پب جی گیم بہت سے جانیں لے چکی ہے،گزشتہ سال دسمبر میں  کاشف نامی نوجوان  پب جی گیم کی وجہ سے ذہنی توازن کھو بیٹھا تھا، اس کو ہسپتال منتقل کیا گیاجہاں وہ دم توڑ گیا۔23اگست 2020 کو لاہور کے علاقے اچھرہ میں 16 سالہ نوجوان نے پب جی گیم کھیلنے سے منع کرنے پر خودکشی کرلی تھی۔

واضح رہے کہ پب جی  نوجوانوں اور بچوں میں کافی مقبول آن لائن گیم ہے جسے پاکستان سمیت دنیا بھر میں جنون کی حد تک کھیلا جاتا ہے جب کہ پڑوسی ملک بھارت میں بھی اس گیم کی وجہ سے اموات ہوچکی ہیں۔