نگران پنجاب حکومت کی مفید مادہ جانور ذبح کرنے پر پابندی عائد

نگران وزیر اعلی پنجاب محسن نقوی نے لائیو اسٹاک کی پیداوار بڑھانے کےلئے اہم اقدامات کا فیصلہ کیا ہے، مفید مادہ جانوروں کو ذبح کرنے پر پابندی عائد، اطلاق پنجاب کے تمام اضلاع میں ہو گا۔

نگران وزیراعلیٰ پنجاب محسن نقوی کی زیر صدارت لائیو اسٹاک سے متعلق اجلاس ہوا جس میں پنجاب کے لائیو اسٹاک سیکٹر کی پیداوار میں اضافے کے لیے ایمرجنسی لگانے کا فیصلہ کیا گیا ہے۔

محسن نقوی نے کہا کہ پنجاب میں جانوروں کے بیماریوں سے پاک زون قائم کیے جائیں گے،  محسن نقسی  نے لائیو اسٹاک پیداوار اور ایکسپورٹ بڑھانے کے لیے 4 روز میں حتمی پلان طلب کر لیا، طویل پریزنٹیشن کی بجائے مختصر اور جامع پلان تیار کیا جائے جس پر فوری عمل کیا جا سکے۔

انہوں نے کہا  کہ سعودی عرب، کویت، امارات میں لائیو اسٹاک ایکسپورٹ کرنے کی بہت گنجائش ہے۔  لہٰذا یم نے خلیجی ممالک میں لائیو سٹاک کی برآمدات کو بڑھانا ہے۔

محسن نقوی نے لائیو اسٹاک سیکٹر کی پیداوار بڑھانے کے لیے مفید مادہ جانور کو ذبح کرنے پر پابندی عائد کردی جس کا اطلاق پنجاب کے تمام اضلاع میں ہوگا۔