چینی کی قیمت میں اچانک بڑا اضافہ

کراچی: کراچی میں چینی کی فی کلو قیمت میں ہوشربا اضافہ دیکھا گیا ہے۔

تفصیلات کے مطابق کراچی میں صرف تین روز میں ہول سیل مارکیٹ میں چینی 12 روپے فی کلو مہنگی ہو گئی ہے۔ جبکہ ریٹیل مارکیٹ میں چینی 140 روپے فی کلو فروخت ہو رہی ہے۔

تاجروں  کے مطابق چینی کی 100 کلو کی بوری 13200 روپے میں فروخت ہو رہی ہے۔ رواں ماہ کے 8 کاروباری دنوں میں چینی کے ہول سیل ریٹ میں 16 روپے فی کلو اضافہ ہوا ہے۔

ہول سیل مارکیٹ کے تاجروں  کا یہ بھی کہنا تھا کہ شوگر مل مالکان نے چینی کی سپلائی میں کمی کر دی ہے جب کہ چینی کی برآمد کی خبروں سے بھی قیمت بڑھ گئی۔