پٹرولیم مصنوعات کی درآمدات میں سالانہ بنیادوں پر 6 فیصد کی کمی

ملک میں پٹرولیم مصنوعات کی مجموعی درآمدات میں جاری مالی سال کے پہلے 5 ماہ میں سالانہ بنیادوں پر 6 فیصد کی کمی ریکارڈکی گئی ہے۔

او سی اےسی ا اور اوگرا کے اعدادوشمار کے مطابق جولائی سے نومبر تک کی مدت میں 97 لاکھ 87 ہزار ٹن پٹرولیم مصنوعات کی درآمدات ریکارڈ کی گئیں جو گزشتہ سال اسی مدت کے مقابلہ میں 6 فیصد کم ہے۔

گزشتہ مالی سال کی اسی مدت میں ایک کروڑ 4 لاکھ 39 ہزار ٹن پٹرولیم مصنوعات کی درآمدات ریکارڈکی گئی تھیں۔

نومبر میں پٹرولیم مصنوعات کی درآمدات کا حجم 20 لاکھ 69 ہزار ٹن تھا جو گزشتہ سال نومبر کے مقابلہ میں ایک فیصد زیادہ ہے۔ گزشتہ سا ل نومبر میں 20 لاکھ 56 ہزار ٹن پٹرولیم مصنوعات کی درآمدات ریکارڈکی گئی تھی۔

اکتوبر کے مقابلہ میں نومبر میں پٹرولیم مصنوعات کی درآمدات میں ماہانہ بنیادوں پر ایک فیصد کی کمی ریکارڈکی گئی ۔ اکتوبر میں پٹرولیم مصنوعات کی درآمدات کا حجم  20 لاکھ 83 ہزار ٹن تھا جو نومبر میں کم ہو کر 20 لاکھ 69 ہزار ٹن ہو گیا۔