پرتھ ٹیسٹ کے پہلے روز کھیل کے اختتام، آسٹریلیا نے 5 وکٹوں کے نقصان پر 346 رنز اسکور کئے

پرتھ ٹیسٹ کے پہلے روز کھیل کے اختتام تک آسٹریلیا نے پاکستان کے خلاف 5 وکٹوں کے نقصان پر 84 اوورز میں 346 رنز اسکور کئے۔

پرتھ کرکٹ گراؤنڈ میں کھیلے جارہے میچز پر مشتمل سیریز کے پہلے ٹیسٹ میچ کے پہلے ہی روز آسٹریلوی اوپننگ بیٹر ڈیوڈ وارنر نے جارحانہ کھیل کا مظاہرہ کیا اور عثمان خواجہ کے ہمراہ 126 رنز بنائے۔

Day 1 stumps ?

Australia are 346-5, with all ?? pacers among the wickets ☄️#AUSvPAK pic.twitter.com/cxaYn15ceO

— Pakistan Cricket (@TheRealPCB) December 14, 2023

عثمان خواجہ 41 رنز بناکر شاہین شاہ آفریدی کی گیند پر آؤٹ ہوئے جس کے بعد مارنوس لبوشین 16، اسٹیو اسمتھ 31 اور ٹریوس ہیڈ 40 رنز پر واپس پویلیئن لوٹ گئے۔ بعد ازاں ڈیوڈ وارنر 164 رنز کی اننگز کھیل کر عامر جمال کا شکار بنے، مچل مارش 15 اور الیکس کیری 14 رنز بنا کر کریز پر موجود ہیں۔

بولنگ میں پاکستان کی جانب سے عامر جمال نے 2 جب کہ شاہین شاہ آفریدی، خرم شہزاد اور فہیم اشرف نے ایک، ایک وکٹ حاصل کی۔

اس سے قبل آسٹریلوی کپتان پیٹ کمنز نے ٹاس جیت کر پہلے بیٹنگ کرنے کا فیصلہ کیا، اس موقع پر قومی ٹیم کے کپتان شان مسعود نے کہا تھا کہ اگر ٹاس جیتتے تو ہم بھی پہلے بیٹنگ ہی کرتے۔

شان مسعود کا کہنا تھا کہ پاکستان کی جانب سے عامر جمال اور خرم شہزاد ڈیبیو کریں گے، دونوں نوجوان کرکٹرز کو شاہین آفریدی اور حسن علی نے ٹیسٹ کیپ پیش کی۔