نرسنگ صحت کے شعبے میں ریڑھ کی ہڈی کی حیثیت رکھتی ہے، نگران وزیر صحت

نگران وفاقی وزیر برائے قومی صحت ڈاکٹر ندیم جان نے کہا ہے کہ کنگ حماد یونیورسٹی آف نرسنگ ایک سٹیٹ آرٹ آف یونیورسٹی ہے ،نرسنگ صحت کے شعبے میں ریڑھ کی ہڈی کی حیثیت رکھتی ہے۔

کنگ حماد یونیورسٹی آف نرسنگ اینڈ ایسوسی ایٹس کے دورہ کے موقع پر ڈاکٹر ندیم جان کو بتایا گیا کہ یہ منصوبہ 2024 کے آخر میں مکمل ہونا ہے۔ وفاقی وزیر صحت ڈاکٹر ندیم جان نے تعمیراتی کام کا جائزہ لیا اور ہدایت کی کہ دو ماہ کے اندر یونیورسٹی کے باقی ماندہ کام پورا کیا جائے ۔کنگ حماد یونیورسٹی آف نرسنگ ایک سٹیٹ آرٹ آف یونیورسٹی ہے۔

نرسنگ یونیورسٹی میں ہر سال پانچ سو نرسز ڈپلومہ حاصل کریں گی۔ اسٹیٹ آف نرسنگ یونیورسٹی میں تعلیم حاصل کرنے کیلیے 2000 نرسز کی گنجایش موجود ہے۔ بحرین کی جانب سے حکومت پاکستان کیلیے تحفہ ہے۔ نرسنگ شعبہ پاکستان میں انتہائی اہمیت کا حامل ہے۔

انہوں نے کہا کہ پاکستان کو نرسز کی کمی کاسامناہے۔نرسز کی کمی کو پورا کرنے کیلے ایک مربوط حکمت عملی تشکیل دی ہے۔نرسنگ کے شعبے میں بہتری کے لئے بڑے پیمانے پر اصلاحات کا سلسلہ جاری ہے۔ انہوں نے کہا کہ نرسنگ صحت کے شعبے میں ریڑھ کی ہڈی کی حیثیت رکھتی ہے