انسانی سمگلنگ کی شکایت کے اندراج کے لیے ہاٹ لائن کا آغاز

انسانی سمگلنگ کی شکایت کے اندراج کے لیے ایف آئی اے نے ہاٹ لائن کا آغاز کر دیا ہے۔

ایف آئی اے کے مطابق انسانی سمگلنگ کی شکایات کا فوری جواب دینے میں ہاٹ لائن سے مدد ملے گی۔ پاکستان نے اس سال جون سے انسانی سمگلروں کے خلاف کارروائیوں کو تیز کیا تھا۔ جب یونان میں 300 پاکستانی موت کے منہ میں چلے گئے تھے۔

واضح رہے ہر سال ہزاروں نوجوان پاکستانی یورپ میں غیرقانونی طور پر داخل ہونے کے لیے خطروں سے بھرا سفر کرتے ہیں۔ ہیومن ٹریفیکنگ میں ملوث افراد غریب پاکستانیوں کو بہتر زندگی اور بہتر روزگار کے خواب دکھاتے ہوئے ان کا استحصال کرتے ہیں اور ان کی زندگیوں کو خطرے میں ڈالتے ہیں۔

 ایف آئی اے نے انسانی سمگلنگ کی روک تھام کے لیے پہلی بار ہاٹ لائن کا آغاز کر دیا ہے۔آسٹریلوی ہائی کمیشن نے ہاٹ لائن کے لیے مالی معاونت آئی ایل او کے ذریعے فراہم کی تھی۔

ایف آئی کے ایڈیشنل ڈائریکٹر نے ہاٹ لائن کے آغاز کے سلسلے میں ہونے والی تقریب کے موقع پر کہا کہ یہ اپنی نوعیت کا پہلا اور اچھا آغاز ہے۔ جو 'ہیومن ٹریفیکنگ' سے متعلق شکایات کے ازالے کے لیے بنا ہے۔