احمد شہزاد نے پاکستان سپرلیگ سے اپنی راہیں الگ کرلیں

پاکستان کرکٹ ٹیم کے اوپننگ بیٹسمین احمد شہزاد نے پاکستان سپرلیگ کے نویں ایڈیشن میں کسی ٹیم کیلئے منتخب نہ کیے جانے پر لیگ سے اپنی راہیں الگ کرلیں۔

سوشل میڈیا پلیٹ فارم ایکس پر اپنے ٹویٹ میں احمد شہزاد نے لکھا کہ نیشنل ٹی 20 اور ڈومیسٹک لیول پر کارکردگی دکھانے کے باوجود پی ایس ایل 9 میں مجھے منتخب نہیں کیا گیا، ایسے سلوک کے بعد دوبارہ لیگ کھیلنے کا کوئی ارادہ نہیں۔

احمد شہزاد کے مطابق انہیں ایونٹ میں شامل نہ کرنا باقاعدہ منصوبہ بندی کے تحت کیا گیا،کیوںکہ پی ایس ایل فرنچائزز نے مجھ سے بری پرفارمنس والے کھلاڑیوں کو بھی شامل کیا۔

A heartfelt goodbye! pic.twitter.com/7NdjpCXjeR

— Ahmad Shahzad ?? (@iamAhmadshahzad) December 15, 2023

کرکٹر نے اپنے پرستاروں کو پیغام دیا کہ وہ تمام صورتحال سے پہلے ہی واقف ہیں لیکن جلد ہی انہیں بھی اس حوالے سے آگاہ کریں گے۔ تاہم پی ایس ایل سے راہیں جدا کرتے ہوئے خود کو باعزت طور پر الگ کررہے ہیں۔

احمد شہزادکا کہنا تھا کہ کبھی بھی پیسے کیلئے نہیں کھیلا۔ میں نے غیر ملکی لیگز سے پیشکش کے باوجود ڈومیسٹک کھیلنے کو ترجیح دی، ملک کیلئے محبت کا اس سے بڑھ کر کیا ثبوت ہوسکتا ہے۔ ہمیشہ گرین شرٹ پہن کر کھیلنے میں فخر محسوس کرتا ہوں۔

احمد شہزاد نے آئندہ کیلئے پی ایس ایل کی تمام ٹیموں کا حصہ بننے سے انکار کرتے ہوئے اپنے مداحوں کا شکریہ بھی ادا کیا۔ اُن کا کہنا تھا کہ ، ’ ایمانداری کی یہی قیمت ادا کرنا تھی تو ملک کیلئے تو یہ ایک چھوٹا سا کام ہے۔ پاکستان زندہ باد’۔