اینٹی نارکوٹکس فورس کی منشیات سمگلنگ کے خلاف کارروائیاں ، 227 کلو گرام منشیات برآمد ،4 ملزمان گرفتار

اسلام آباد: اینٹی نارکوٹکس فورس نے منشیات سمگلنگ کے خلاف مختلف کارروائیوں کے دوران 227 کلو گرام سے زائد منشیات برآمد کر کے4 ملزمان گرفتار کر لئے ہیں۔ ترجمان اے این ایف کے مطابق باڑہ خیبر سے 201.600 کلو چرس برآمد کر گئی۔

ایم ون موٹر وے ٹول پلازہ اسلام آباد کے قریب 12 کلو چرس برآمد کر کے دو ملزمان گرفتار کر لیے ، شیر شاہ ٹول پلازہ ملتان کے قریب دو الیکٹرک ہیٹرز سے 12 کلو چرس برآمد کر کے ملزم گرفتار کر لیا گیا۔

ایک اور کارروائی کے دوران رنگ روڈ لاہور کے قریب گاڑی سے 2 کلو کوکین برآمد کر کے ملزم کو گرفتار کر لیا گیا ہے۔

گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔