فلپائن کے ضلع مولو میں آتشزدگی ، 3 افراد ہلاک

فلپائن کے صوبہ لوئلو کے ضلع مولو میں آتشزدگی سے 3 افراد ہلاک جبکہ 50 مکانات جل کر راکھ  ہوگئے۔

چینی خبر رساں ادارے شنہوا نے پولیس کے حوالے سے بتایا ہے کہ آگ صبح 5 بجے سے قبل لگی جس نے متعدد گھروں کو اپنی لپیٹ میں لے لیا جس سے ضلع مولو میں 50 سے زائد مکانات جل کر راکھ  ہو گئے ہیں  ۔

لوئلوسٹی ڈیزاسٹر رسک ریڈکشن مینجمنٹ آفس نے کہا کہ فائر فائٹرز نے2 گھنٹے میں آگ پر قابو پالیا ،تاہم حادثہ کی وجوہات جاننے کے لئے تحقیقات شروع کر دی گئی ہیں ۔

میڈیا ذرائع کے مطابق زخمیوں کی تعداد فی ا لوقت معلوم نہیں کی جاسکی لیکن زخمیوں کو لوئلو کے قریبی اسپتال میں مرہم پٹی کیلئے منتقل کر دیا گیا ہے ۔