پاکستان کی ایران میں راسک پولیس ہیڈ کوارٹرز پر دہشتگردانہ حملے کی مذمت

پاکستان نے ایران کے جنوب مشرقی علاقے میں راسک پولیس ہیڈ کوارٹر پر دہشت گرد حملے کی شدید مذمت کی ہےجس میں 11 ایرانی اہلکار ہلاک جبکہ متعدد زخمی ہوئے ہیں۔

ترجمان دفتر خارجہ نے کہا ہے کہ پاکستان دکھ کی اس گھڑی میں ایران کی حکومت اور عوام کے ساتھ مکمل یکجہتی کا اظہار کرتاہے، متاثرہ خاندانوں سے دلی تعزیت اور زخمیوں کی جلد صحت یابی کے لئے دعاگو ہیں۔

ترجمان دفتر خارجہ نے کہا کہ دہشت گردی علاقائی اور عالمی امن و سلامتی کے لیے خطرہ ہے ، دہشت گردی کا دوطرفہ اور علاقائی تعاون سمیت ہر طرح سے مقابلہ کرنے کی ضرورت ہے۔