پشاور،پیپلز پارٹی کا انتخابات میں پی ٹی آئی سے اتحاد نہ کرنے کا فیصلہ

پیپلز پارٹی کے شریک چیئرمین اور سابق صدر آصف علی زرداری کی گورنر ہاؤس پشاور میں پارٹی رہنماؤں سےملاقات، پارٹی رہنماؤں کو انتخابات میں تحریک انصاف سے اتحاد نہ کرنے کی ہدایت کر دی، باقی جماعتوں سے اتحاد کا فیصلہ صوبائی قیادت کرے گی۔

شریک چئیرمین پی پی پی آصف علی زرداری گزشتہ روز پشاور پہنچے جہاں انہوں نے گورنر خیبرپختونخوا غلام علی سے ملاقات کی ، اس موقع پر پیپلزپارٹی کے صوبائی رہنما بھی موجود تھے۔

آصف علی زرداری کی پشاور گورنر ہاوس میں پارٹی رہنماؤں سے ملاقات میں کے پی قیادت کو پی ٹی آئی سے انتخابات میں اتحاد نہ کرنے کی ہدایت کردی ہے۔

ذرائع کے مطابق آصف زرداری نے کہا ہے کہ پی ٹی آئی کے علاوہ دیگر جماعتوں سے اتحاد کا فیصلہ صوبائی قیادت کرے گی، پارٹی میں اختلافات جلد ختم کریں۔

ذرائع نے بتایا کہ ملاقات میں انتخابات کے لئے ٹکٹوں کی تقسیم سے متعلق بات چیت بھی ہوئی۔