نگران وزیر اعلیٰ پنجاب پٹرولیم مصنوعات کی قیمتوں میں کمی کے ثمرات عوام تک پہنچانے کےلئے متحرک

نگران وزیر اعلیٰ پنجاب پٹرولیم مصنوعات کی قیمتوں میں کمی کے ثمرات عوام تک پہنچانے کےلئے متحرک، ڈپٹی کمشنر کو آج رات تک کرایوں میں کمی کرانے کا ٹاسک سونپ دیا۔  آج رات تک کرائے کم نہ کرنے والے ٹرانسپورٹرز کے خلاف بلا امتیاز کارروائی کا حکم دیا ہے۔

محسن نقوی نے کہا ہے کہ پٹرول اور ڈیزل کی قیمتوں میں کمی کے تناسب سے کرایوں میں کمی کی جائے، پٹرولیم مصنوعات کی قیمتوں میں کمی کا فائدہ براہ راست عوام کو منتقل کیا جائے۔

نگران وزیراعلیٰ نے مزید کہا کہ عام آدمی کو ریلیف دینے کے لیے انٹر سٹی ٹرانسپورٹ کے کرائے کم کرائے جائیں۔

دوسری طرف محسن نقوی نے شہر میں رضا کارانہ طورپر تجاوزات ختم کرنے کیلئے 48گھنٹے کی مہلت دی ہے، منگل کی صبح سے تجاوزات کے خلاف باضابطہ آپریشن شروع ہوگا جس میں کوئی نرمی اور رعایت نہیں ہوگی، 

نگران وزیر اعلیٰ کا کہنا تھا کہ ٹریفک کی آمدورفت میں رکاوٹ دور کرنے کے لئے تجاوزات کا خاتمہ ضروری ہے، بیشتر مقامات پر تجاوزات ہی ٹریفک جام کا باعث ہیں، شہر سے تجاوزات کے خاتمے کیلئے سختی کرنا پڑی تو کریں گے۔