بھارتی پولیس نے 3 بے گناہ نوجوانوں کو گرفتار کر لیا

غیر قانونی طور پر بھارت کے زیر قبضہ جموں و کشمیر میں بھارتی پولیس نے سرینگر سے تین بے گناہ کشمیری نوجوانوں کو گرفتارکرلیا۔

میڈیا ذرائع  کے مطابق گرفتارنوجوانوں کی شناخت امتیاز احمد کھانڈے، دانش احمد ملااور مہران خان کے طورپر ہوئی ہے جو تینوں سرینگر کے رہائشی ہیں۔

بھارتی پولیس نے نوجوانوں کی غیر قانونی گرفتاری کا جواز پیش کرنے کے لئے انہیں عسکریت پسند قراردیاہے تاہم مقامی لوگوں کا کہنا ہے کہ تینوں نوجوان بے قصور ہیں۔

یاد رہے کہ بھارت کے زیر قبضہ جموں و کشمیر میں بھارتی پولیس اور فوج کی جانب سے آئے روز اس طرح کے واقعات پیش آتے رہتے ہیں ۔

گزشتہ دنوں بھارتی سپریم کورٹ کی جانب سے کیے گئے فیصلے نے کشمیر کی تحریک کو مزید مضبوط کردیا ہے اور کشمیریوں کے جذبے مزید بلند ہو گئے ہیں ۔ 

کشمیریوں کا کہنا ہے کہ کسی صورت بھی ظلم اور زیادتی کے خلاف ہتھیار نہیں ڈالیں گے اس طرح کے ہتھکنڈوں سے ہمارے حوصلے پست نہیں ہوں گے ۔