جہانگیر ترین گروپ کا باقاعدہ اعلان کردیا گیا

ذرائع کے مطابق جہانگیر ترین گروپ کی سیاسی بیٹھک  ہوئی ، جس میں  جہانگیر ترین گروپ کا باقاعدہ اعلان کردیا گیا، جہانگیر ترین گروپ نے قومی اور صوبائی اسمبلی میں پارلیمانی لیڈر بھی مقرر کردئیے، ایم این اے راجہ ریاض کو قومی اسمبلی میں پارلیمانی لیڈر مقرر کیا گیا،سعید اکبر نوانی پنجاب اسمبلی میں پارلیمانی لیڈر ہونگے۔

ذرائع کے مطابق  ایم پی اے سلمان نعیم اور عون چوہدری نے بھی تصدیق کردی۔گروپ کا نام جہانگیر ترین ہم خیال گروپ رکھا گیا ہے۔

ایم پی اے سلمان نعیم کا کہنا ہے کہ گروپ کا پنجاب اسمبلی کے رواں اجلاس میں جمعے کے روز باقاعدہ پاور شو کا فیصلہ کیا گیا ہے ۔آج کے اجلاس میں کوئی نیا رکن اسمبلی شریک نہیں ہوا، گزشتہ اجلاس میں سے بھی کئی اراکین اسمبلی آج شریک نہ ہوسکے۔ شرکت نہ کرنے والے اراکین اسمبلی کے ناموں کو تاحال صیغہ راز رکھا گیا ہے۔

ایم پی اے سلمان نعیم کا کہنا ہے کہ  کئی اراکین اسمبلی نجی مصروفیات کی وجہ سے نہیں پہنچ سکے۔اجلاس میں شریک اراکین اسمبلی سے گروپ کے اعلان کے لیے باقاعدہ حلف لیا گیا ہے۔