الیکشن پراسس سے باہر کیا گیا تو یہ جموریت کے خلاف سازش ہوگی، چیئرمین پی ٹی آئی

چیئرمین پاکستان تحریک انصاف بیرسٹر گوہر کا کہنا ہے کہ الیکشن کمیشن کی آئنی ذمہ داری یے کہ وہ صاف و شفاف انتخابات کروائے، اگر اس طرح پاکستان کی سب سے بڑی جماعت کو الیکشن پراسس سے باہر کیا گیا تو یہ جموریت کے خلاف سازش ہوگی۔

میڈیا سے گفتگو میں بیرسٹر گوہر کا کہنا تھا کہ ہمارے انٹرا پارٹی الیکشن ایک سال سے الیکشن کمیشن میں زیر التوا پڑے رہے، الیکشن کمیشن کی طرف سے اس کا پہلا نوٹس دسمبر 2022 کو آیا، جس طرح 175 سیاسی جماعتوں کا سرٹیفکیٹ دیا ہمارا بھی دیں۔

چئیرمین پی ٹی آئی نے کہا کہ 22 تاریخ کاغذات نامزدگی فائل کرنے کی آخری تاریخ ہے، ہمارے امیدوار لکھتے ہیں کہ میں پی ٹی آئی کا ممبر ہوں اور آپ نہیں مانیں گے، ای سی پی سے مطالبہ ہے کہ ہمارا سرٹیفکیٹ جاری کریں۔

" الیکشن کمیشن کی آئنی ذمہ داری یے کہ وہ صاف و شفاف انتخابات کروائے،
اگر اس طرح پاکستان کی سب سے بڑی جماعت کو الیکشن پراسس سے باہر کیا گیا تو یہ جموریت کے خلاف سازش ہوگی" @BarristerGohar
pic.twitter.com/gIfkmt5O0b

— PTI (@PTIofficial) December 18, 2023

پی ٹی آئی کے وکیل بیرسٹر علی ظفر انٹرا پارٹی الیکشن سماعت کا احوال بتاتے ہوئے کہا کہ ہمارا دورانِ سماعت پہلا مؤقف یہ تھا کہ رابطہ ایپ کے اندر تمام پارٹی ممبران کی لسٹ موجود ہے،یہ جو 14 لوگ ہیں ان میں سے ایک بھی شخص پی ٹی آئی کا ممبر نہیں ہے۔ ان 14 لوگوں کے پاس نہ تو ممبر شپ کارڈ ہے اور نہ انہوں نے ممبر شپ فیس دی ہے۔

علی ظفر نے کہا کہ قانون یہ کہتا ہے اگر آپ پارٹی ممبر نہیں تو آپ الیکشن کمیشن میں درخواست دائر نہیں کرسکتے۔ ہمارا دوسرا مؤقف یہ تھا کہ ان 14 لوگوں میں سے ایک نے بھی نہ تو الیکشن فارم کیلئے درخواست دی نہ ہی الیکشن لڑنے کیلئے درخواست دی، پی ٹی آئی کا الیکشن پینل بیسڈ ہوتا ہے، ہر پینل کیلئے 15 ممبر چاہئیں،ان 14 افراد میں سے کسی نے نہیں کہا کہ ہم 15 ممبر لے کر آئے تھے، جو درخواستیں الیکشن کمیشن میں دی گئیں ان میں کوئی ذکر نہیں کہ یہ کس پوسٹ کیلئے الیکشن لڑنا چاہتے تھے۔

بیرسٹر علی ظفر نے کہا کہ ان دو پوانٹس کی بنا پر ہم نے التجا کی کہ ہم نے الیکشن کرا لیے ہیں اور ان لوگوں کے پاس کوئی گنجائش نہیں کہ وہ اپنی آبجیکشن پٹیشن فائل کرسکیں اور استدعا کی کہ ان پٹیشنز کو ڈسمس کیا جائے۔

انہوں نے کہا کہ الیکشن کمیشن نے فیصلہ محفوظ کرلیا ہے لیکن یہ نہیں بتایا کہ کب سنائیں گے۔