9 اور 10 مئی کے مقدمات میں اشتہاریوں کے شناختی کارڈ بلاک

لاہور پولیس کی درخواست پر نادرا نے 9 اور 10 مئی کے مقدمات کے اشتہاریوں کے شناختی کارڈ بلاک کر دیئے، پولیس کے مطابق شامل تفتیش ہونے تک ملزموں کے شناختی کارڈز بلاک رہے گے۔

ملزموں میں مراد سعید، اعظم سواتی، حماد اظہر، اسلم اقبال، علی امین گنڈاپور، جمشید اقبال چیمہ اور مسرت چیمہ شامل ہیں۔

پولیس حکام کا کہنا ہے کہ شناختی کارڈ بلاک کرنے کی کارروائی پولیس کی درخواست پر عمل میں لائی گئی۔ تمام ملزمان اے ٹی سی میں پیش ہوئے بغیر قانونی حقوق حاصل نہیں کرسکتے۔

اٹھارہ اشتہاری ملزمان میں کرامت کھوکھر، واثق قیوم عباسی، زبیر نیازی، ملک ندیم عباس، غلام محی الدین دیوان کے شناختی کارڈز بھی بلاک  کیے گئے ہیں۔

اشتہاری ملزمان شناختی کارڈ کے ذریعے حاصل ہونے والی تمام سہولیات سے محروم رہیں گے۔