چیف جسٹس قاضیٰ فائز عیسیٰ نے ایئرپورٹ پرکسی قسم کا استثنیٰ لینے سے انکار کر دیا

سپریم کورٹ کے سیکرٹری ہوا بازی کو لکھے خط میں کہاگیا ہے کہ  چیف جسٹس قاضیٰ فائز عیسیٰ اور اہلیہ سرینا عیسیٰ نے 16دسمبرکو ترکی روانگی کے وقت ایئرپورٹ پرکسی قسم کا استثنیٰ نہیں لیا۔

خط میں مزید کہا گیا کہ چیف جسٹس فائز عیسی نے ائیر پورٹ پر لگژری لیموزین پر جہاز تک جانے پر انکار کیا۔چیف جسٹس نے وی آئی پی لاوئج کی سہولت لینے سے بھی انکار کیا۔

مسز سرینا عیسی نے اے ایس ایف کی خواتین کے مخصوص کمرے جاکر کے تلاشی دی۔مسز سرینا عیسی کی جسمانی تلاشی کی ٹی وی کیمروں سے تصدیق کی جا سکتی ہے۔

سپریم کورٹ نے سیکرٹری ایوی ایشن کو خط لکھ کر نشاندہی کی تھی کہ سابق ججز اور بیگمات کو ائیر پورٹ پر جسمانی تلاشی سے استثنی ہے، حاضر سروس ججز کی بیگمات کی تلاشی لی جاتی ہے۔

رجسٹرا کے خط کی وضاحت کی بجائے ڈی جی اے ایس ایف نے حاضر سروس ججز کی بیگمات کو بھی استثنی دے دیا۔