پی ٹی آئی کی حمایت سے عوامی مسلم لیگ کی جانب سے الیکشن لڑوں گا، شیخ رشید

عوامی مسلم لیگ کے سربراہ سابق وزیرداخلہ شیخ رشید نے کہا ہے کہ عوامی مسلم لیگ کی جانب سے الیکشن لڑوں گا لیکن پی ٹی آئی کی حمایت حاصل کر لی ہے۔میں پرویز الٰہی کا مشکور ہوں کہ انہوں نے میرا ساتھ دیا ہے۔

میں عوامی مسلم لیگ کی جانب سے الیکشن لڑوں گا لیکن پی ٹی آئی کی حمایت حاصل کر لی ہے، مجھے خوشی ہے کہ پی ٹی آئی میرے ساتھ 56 اور 57 میں کھڑی ہے ،شیخ رشید pic.twitter.com/aaySlkwnjp

— Sheikh Rashid Ahmed (@ShkhRasheed) December 21, 2023

 شیخ رشید نے کمرہ عدالت میں میڈیا نمائندگان سے غیر رسمی گفتگو کرتے ہوئے کہا کہ میں حلقہ 56 اور 57 دونوں سے الیکشن لڑوں گا،میں پرویز الٰہی کا مشکور ہوں کہ انہوں نے میرا ساتھ دیا ہے۔ جتنی قربانی میں نے دی ہے وہ کسی اور نے نہیں دی، 40 دن کا چلہ کاٹ آیا ہوں اور اس سے پہلے 20 دن کا کاٹا تھا۔

شیخ رشید نے کہا کہ میں نے کہا تھا کہ اصلی اور نسلی ہوں، میں نے کسی کے خلاف پریس کانفرنس نہیں کی،مجھے خوشی ہے کہ پی ٹی آئی میرے ساتھ 56 اور 57 میں کھڑی ہے،میں عوامی مسلم لیگ کی جانب سے  الیکشن لڑوں گا لیکن پی ٹی آئی کی حمایت حاصل کر لی ہے۔