پنجاب، کے پی، آزاد کشمیر میں زلزلے کے جھٹکے

اسلام آباد: اسلام آباد سمیت پنجاب، خیبرپختونخوا اور آزاد کشمیر کے مختلف علاقوں میں زلزلے کے جھٹکے محسوس کیے گئے۔

زلزلہ پیما مرکز کے مطابق اسلام آباد سمیت مختلف علاقوں میں زلزلے کی شدت 4.4 ریکارڈ کی گئی۔ زلزلہ پیما مرکز نے بتایا کہ زلزلے کی گہرائی 11 کلومیٹر تھی جب کہ مرکز کشمیر کے جنوب مغرب میں تھا۔

تازہ ترین اطلاعات کے مطابق کسی بھی شہر میں زلزلے سے کسی جانی یا مالی نقصان کی اطلاع نہیں ہے۔

واضح رہے کہ دو روز قبل 20 دسمبر کو اسلام آباد، راولپنڈی اور اٹک سمیت چکوال میں بھی زلزلے کے جھٹکے محسوس کیے گئے تھے۔

زلزلہ پیما مرکز کے مطابق زلزلے کی شدت 3.2 ریکارڈ کی گئی جب کہ گہرائی 25 کلومیٹر تھی اور مرکز گلگت بلتستان کا علاقہ اسکردو تھا۔