انتخابی گہما گہمی، سینئر سیاستدانوں نے اپنے اپنے کاغذات نامزدگی جمع کرا دیئے

انتخابی گہما گہمی عروج پر، الیکشن 2024ء میں چودھری پرویز الہیٰ، مولانا فضل الرحمان اور بلاول بھٹو زرداری نے مختلف حلقوں سے اپنے کاغذات نامزدگی جمع کروا دیئے۔

پی ٹی آئی کے مرکزی صدر اور سابق وزیراعلیٰ پنجاب پرویز الہیٰ اور ان کی اہلیہ قیصرہ الہیٰ کے این اے 64 اور پی پی 32 سے کاغذات نامزدگی جمع کروا دیئے گئے جبکہ مونس الہیٰ کے حلقہ این اے 64 اور سمیرا الہیٰ کے صوبائی حلقہ پی پی 32 میں کاغذات نامزدگی جمع کروائے گئے ہیں۔

مولانا فضل الرحمان این اے 44 سے انتخابات میں حصہ لیں گے، مولانا اسعد محمود این اے 44 پر مولانا فضل الرحمان کے کورنگ امیدوار ہوں گے۔

علاوہ ازیں چیئرمین پیپلز پارٹی بلاول بھٹو زرداری نے بھی ریٹرننگ آفیسر محسن علی شیخ کو این اے 196 قمبر شہداد کوٹ 1 کیلئے کاغذات نامزدگی جمع کروا دیئے ہیں۔