الیکشن کمیشن نے حلقہ بندیوں پر دائر درخواستوں کو ملتوی کر دیا

الیکشن کمیشن نے حلقہ بندیوں کے بارے میں شکایات کی سماعت عام انتخابات 2024 کی وجہ سے ملتوی کر دی ہے اور رکاوٹوں سے بچنے کیلئے سپریم کورٹ کی ہدایت کے مطابق انتخابی شیڈول کو ترجیح دی ہے۔

الیکشن کمیشن نے اپنے احکامات میں کہا ہے کہ سپریم کورٹ نے ایک بنیادی جمہوری اصول کے طور پر عام انتخابات کی اہمیت پر زور دیا ہے ، سیا سی استحکام کیلئے پاکستان میں عام انتخابات بہت ضروری ہیں تاکہ ملک کی معیشت اور سیاست میں ٹھراؤ آ سکے ۔ 

یاد رہے کہ الیکشن کمیشن نے پہلے پانچ اگست 2022 کو حلقہ بندیاں کی تھیں مگر پھر ڈیجیٹل مردم شماری کے نتائج شائع ہونے کی وجہ سے الیکشن کمیشن کو قانون کے مطابق نئے سرے سے حلقہ بندیاں کرنا پڑیں۔