پی ٹی آئی رہنما راجہ اظہر سینٹرل جیل سے رہا

کراچی: پاکستان تحریک انصاف (پی ٹی آئی) کے رہنما راجہ اظہر کو سینٹرل جیل کراچی سے رہا کردیا گیا جہاں وہ 9 مئی سمیت مختلف مقدمات میں گرفتار تھے۔

جیل انتظامیہ کے مطابق راجہ اظہر گزشتہ چند ماہ سے جیل میں تھے، راجہ اظہر کے وکیل نے کہا کہ ان کے موکل کی تمام مقدمات میں ضمانت ہو چکی ہے۔

راجہ اظہر کے خلاف 9 مئی کے فسادات سمیت دیگر مقدمات ٹیپو سلطان، فیروز آباد اور شاہ لطیف ٹاؤن تھانوں میں درج کیے گئے تھے۔

ان کے وکیل نے بتایا کہ راجہ اظہر کے خلاف لانڈھی اور سائٹ ایریا کے تھانوں میں مقدمات بھی درج ہیں تاہم اب انسداد دہشت گردی کی عدالت (اے ٹی سی) اور سٹی کورٹ نے ان کی ضمانتیں منظور کرلی ہیں۔