بانی چیئرمین پی ٹی آئی کے کاغذات نامزدگی مسترد کرنے کا تحریری فیصلہ جاری

بانی چیئرمین پی ٹی آئی عمران خان کے لاہور کے حلقہ این اے 122 سے کاغذات نامزدگی مسترد کرنے کا تحریری فیصلہ جاری کر دیا گیا۔

تحریری فیصلے میں کہا گیا ہے کہ اسلام آباد کے ایڈیشنل سیشن جج نے سابق چیئرمین پی ٹی آئی کو سزا سنائی، بانی چیئرمین پی ٹی آئی کو اخلاقی پستی کے جرم میں سزا سنائی گئی، سابق وزیراعظم کی نااہلی پانچ سال کیلئے ہوئی ہے۔

فیصلے کے مطابق چیئرمین پی ٹی آئی کی نااہلی بھی معطل یا کالعدم نہیں ہوئی، سابق چیئرمین پی ٹی آئی کو آئین کے آرٹیکل 63 ون کے تحت نااہل کیا گیا، شکایت کنندہ کے اعتراضات قانونی ہیں۔

خیال رہے کہ سابق وزیراعظم و  چیئرمین پی ٹی آئی کے کاغذات نامزدگی پر پر سابق لیگی ایم پی اے میاں نصیر احمد نے اعتراضات دائر کیے تھے۔