لیول پلیئنگ فیلڈ سب کےلئے یکساں ہونی چاہیے، رہنما پیپلز پارٹی

پاکستان پیپلز پارٹی کے سینئر رہنما اور سابق وزیراعظم یوسف رضا گیلانی نے کہا ہے کہ لیول پلیئنگ فیلڈ سب کےلئے یکساں ہونی چاہیے، انتخابات میں کسی مخصوص جماعت کو ترجیح نہیں ملنی چاہیے۔

انہوں نے کہا کہ الیکشن سے پہلے یہ تاثر زائل ہونا چاہیے کہ کون سی جماعت حکومت میں آئے گی۔ کوئی بھی جماعت پیپلز پارٹی کے بغیر حکومت نہیں بناسکتی۔

 یوسف رضا گیلانی نے ملتان میں پریس کانفرنس سے خطاب کرتے ہوئے کہا کہ پیپلز پارٹی نے ہمیشہ اقلیتوں کے حقوق کی بات کی، جنوبی پنجاب کی مسیحی برادری نے پیپلز پارٹی پر اعتماد کا اظہار کیا۔

ان کا کہنا تھا کہ کوئی بھی جماعت پیپلز پارٹی کے بغیر ملک میں حکومت نہیں بناسکتی۔ 

انہوں نے کہا کہ صاف و شفاف انتخابات کرانا الیکشن کمیشن کی ذمہ داری ہے، لیول پلئینگ سب کے لیے یکساں ہونی چاہیے۔یوسف رضا گیلانی نے مزید کہا کہ یہ تاثر زائل ہونا چاہیے کہ کون سی جماعت حکومت میں آئے گی۔