کاغذات نامزدگی منظور یا مسترد ہونا آئینی عمل ہے نگراں حکومت کا اس سے کوئی تعلق نہیں ہے

نگران وزیر اطلاعات و نشریات مرتضیٰ سولنگی نے کہا ہے کہ کاغذات نامزدگی منظور یا مسترد ہونا آئینی عمل کا حصہ ہے اور نگراں حکومت کا اس معاملے سے کوئی تعلق نہیں ہے۔

آج ایک  نجی چینل سے گفتگو کرتے ہوئے انہوں نے کہا کہ صرف الیکشن کمیشن ہی انتخابات سے متعلقہ معاملات میں مداخلت کر سکتا ہے۔

وفاقی وزیر نے کہا کہ الیکشن کمیشن کی مد د کرنا اور اس کو مالی و انتظامی سہولیات فراہم کرنا ہماری ذمہ داری ہے۔

انہوں نے دو ٹوک الفاظ میں کہا کہ پی ٹی آئی ایک رجسٹرڈ سیاسی جماعت ہے کوئی بھی اسے تنقید کرنے کے حق سے محروم نہیں کر سکتا ۔