پٹرولیم مصنوعات کی قیمتوں میں 2 روپے 19 پیسے فی لیٹر کمی

لاہور: نگراں وزیراعظم انوار الحق کاکڑ نے پٹرولیم مصنوعات کی قیمتوں میں ردوبدل کی منظوری دے دی۔

تفصیلات کے مطابق وزارت خزانہ نے پیٹرولیم مصنوعات کی قیمتوں میں ردوبدل کا نوٹیفکیشن جاری کردیا، جبکہ پٹرول اور ڈیزل کی قیمتیں اگلے 15 دنوں تک برقرار رہیں گی۔

نوٹیفکیشن کے مطابق یکم جنوری سے پیٹرول کی فی لیٹر قیمت 267 روپے 34 پیسے پر برقرار ہے اور ڈیزل کی قیمت بھی 276 روپے 21 پیسے پر برقرار رہے گی۔

مٹی کے تیل کی قیمت میں 2 روپے 19 پیسے فی لیٹر کمی کی منظوری دی گئی۔

اس کے علاوہ حکومت نے لائٹ ڈیزل آئل کی قیمت میں 1 روپے 11 پیسے اضافے کی منظوری بھی دی ہے۔