فیض آباد دھرنا کمیشن نے شہباز شریف کو طلب کرلیا

اسلام آباد: فیض آباد دھرنا کمیشن نے سابق وزیراعظم شہباز شریف کو مبینہ طور پر کیس میں طلب کرلیا گیا ۔

میڈیا رپورٹس کے مطابق دھرنا کمیشن نے شہباز شریف کو بیان ریکارڈ کرانے کے لیے 3 جنوری کو طلب کر لیا ہے۔

اس سے قبل نومبر 2023 میں نگراں حکومت نے فیض آباد دھرنا کیس میں عدالتی فیصلے پر عملدرآمد اور ذمہ داروں کی نشاندہی کے لیے انکوائری کمیشن تشکیل دیا تھا ، بتایا گیا ہے کہ شہباز شریف کو سابق وزیر اعلیٰ پنجاب کی حیثیت سے کمیشن میں طلب کیا گیا ہے کیونکہ وہ فیض آباد میں تحریک لبیک کے دھرنے کے موقع پر وزیر اعلیٰ تھے۔

واضح رہے کہ انکوائری کمیشن نے اپنی رپورٹ 22 جنوری کو سپریم کورٹ میں جمع کرانی ہے، اس سے قبل کمیشن نے سابق وزیر احسن اقبال اور سابق وزیراعظم شاہد خاقان عباسی کو بھی طلب کیا تھا۔

جبکہ سابق ڈائریکٹر جنرل (ڈی جی) انٹر سروسز انٹیلی جنس (آئی ایس آئی) لیفٹیننٹ جنرل (ر) فیض حمید طلب کیے جانے کے باوجود کمیشن میں پیش نہیں ہوئے، جس پر انہیں دوسرا نوٹس جاری کیا گیا ہے۔