غزہ ، اسرائیل جنگ بندی :اقوام متحدہ کے سیکریٹری جنرل کا خیرمقدم

تفصیلات کے مطابق  اقوام متحدہ کےسیکریٹری جنرل انتونیو گوتریس  نے کہا کہ جنگ بندی کے لیے مصر اور قطر کی کوششیں قابل تعریف ہیں۔انہوں نے کہا کہ اسرائیل اور فلسطین پر ذمہ داری عائد ہوتی ہے کہ تنازع کا بنیادی محرک حل کرنے کے لیے مذاکرات کریں۔ انہوں نے مطالبہ کیا کہ عالمی برادری  فلسطین کی تعمیر نو اور بحالی کیلئے  تیز، پائیدار معاونت کے مضبوط پیکج کے لیے اقوامِ متحدہ کے ساتھ مل  کر کام کرے ۔ اقوام متحدہ کے سیکریٹری جنرل کا کہنا تھا کہ اسرائیلی اورفلسطینی قیادت کی ذمےداری ہےجنگ کے بنیادی اسباب پر غور کے لیے بات چیت کریں۔

I welcome the ceasefire between Gaza & Israel, after days of deadly hostilities.

All sides must observe this ceasefire.

Israeli & Palestinian leaders have a responsibility beyond the restoration of calm to start a serious dialogue to address the root causes of the conflict. pic.twitter.com/VQHQMpadY8

— António Guterres (@antonioguterres) May 21, 2021

دوسری جانب امریکی صدر جوبائیڈن نے بھی حماس اسرائیل جنگ بندی کا خیر مقدم کیا ہے۔ بائیڈن نے کہا کہ اسرائیلی اور فلسطینی دونوں کو امن سے رہنے کا حق حاصل ہے۔ یہ پیشرفت کرنے کا حقیقی موقع ہے۔ غزہ میں انسانی امداد پہنچانے کے لیے ہر ممکن اقدامات کریں گے۔

جنگ بندی کے اعلان کے بعد مصر کے صدر عبد الفتاح السیسی نے ٹویٹس میں کہا  کہ   امریکی صدر بائیڈن کی طرف سے مصری جنگ بندی  کےاقدام کی کامیابی میں ان کے کردار پر خراج تحسین  پیش کرتا ہوں۔

واضح رہے کہ اسرائیل کے حملوں سے 11دن میں اسرائیلی حملوں کے دوران 232 فلسطینی شہید اور 1900 سے زائد زخمی ہوئے، شہداء میں 65 بچے اور 39 خواتین بھی شامل ہیں۔حملوں میں 1 لاکھ 20 ہزار سے زائد افراد کے گھر ملبے کا ڈھیر بن گئے۔ حماس کے حملوں میں 12 اسرائیلی بھی مارے گئے۔