دعا ہے کہ جنگ بندی فلسطین میں امن کی جانب پہلا قدم ہو :وزیرخارجہ

تفصیلات کے مطابق  سماجی رابطے کی ویب سائٹ ٹوئٹر پر وزیر خا رجہ شاہ محمود قریشی نے کہا کہ یہ اجتماعی  اور متحدہ عمل کے اقدام کی طاقت ہے۔ یہ ہر شخص اور ہر قوم کی کوششوں کا نتیجہ ہے۔شاہ محمود قریشی نے کہا کہ دعا ہے کہ جنگ بندی فلسطین میں امن کی جانب پہلا قدم ہو۔

Israel’s occupation of Palestine must end & illegal settlements & apartheid like regime imposed in the occupied territories must be dismantled. Implementation of UN res for establishment of independent & contiguous Palestinian State w/ Al-Quds Al Sharif as its capital, imperative https://t.co/ecoHBAwDrj

— Shah Mahmood Qureshi (@SMQureshiPTI) May 20, 2021

اس سے قبل  نیو یارک میں نہتے فلسطینیوں کے خلاف اسرائیلی جارحیت کے بارے میں اقوام متحدہ کی جنرل اسمبلی کے ہنگامی اجلاس سے خطاب  میں وزیرخارجہ نے کہا کہ پانی سر سے گزر گیا ہے اور فلسطینی عوام کی آواز کو دبایا نہیں جاسکتا ہے۔ انہوں نے کہا کہ ہم عالم اسلام کے نمائندے اُن کے ساتھ اور اُن کے لیے آواز بلند کرنے کے لیے یہاں موجود ہیں۔ان کاکہنا تھا کہ  امت مسلمہ کو چاہئے کہ وہ مسئلہ فلسطین پر اتحاد اور قائدانہ  کردار کا مظاہرہ کریں کیونکہ لوگوں کے جذبات ہم سے  یہ مطالبہ کرتے ہیں۔ ہمیں مسئلہ فلسطین کا  مستقل حل تلاش کرنا ہوگا اور اس سے ہمیں اپنے درمیان اتحاد قائم کرنے کی ضرورت ہے ۔

علاوہ ازیں وزیر خارجہ مخدوم شاہ محمود قریشی اور سعودی عرب کے وزیر خارجہ کی اقوام متحدہ ہیڈکوارٹر نیویارک میں ملاقات ہوئی ہے ،شاہ محمود قریشی کی شہزادہ فیصل بن فرحان آل سعود سے اقوام متحدہ کی جنرل اسمبلی کے ہنگامی اجلاس کے موقع پر ملاقات ہوئی  جس میں  فلسطین کی صورتحال پر تبادلہ خیال کیا گیا ۔وزیر خارجہ نے کہاکہ پاکستان کی حکومت اور عوام اوآئی سی ایگزیکٹو کمیٹی کا ہنگامی اجلاس بلانے پر سعودی عرب کا شکریہ ادا کرتے ہیں ، وزیراعظم عمران خان کے دورہ سعودی عرب کے دوران جاری کردہ مشترکہ بیان مسئلہ فلسطین پر دونوں برادر ممالک کے یکساں نکتہ نظر کا اعادہ کرتا ہے۔

انہوں نے  کہاکہ رمضان المبارک میں مسجد اقصی میں نمازیوں پر حملہ، فلسطینیوں پر بمباری انتہائی قابل مذمت ہے، پاکستان فلسطینیوں کے جائز حقوق بالخصوص استصواب رائے کے حق کی بھرپور حمایت کرتا ہے۔ مشرقی یروشلم دارالحکومت، 1967 سے قبل کی سرحدوں اورمتحد وجود کی حامل قابل عمل اورخودمختار فلسطینی ریاست کے قیام کی حمایت کا اعادہ کرتے ہیں ۔ وزیر خارجہ نے کہاکہ اقوام متحدہ اور اوآئی سی کی متعلقہ قراردادوں پر عمل درآمد کرایا جائے ۔