لاہور کے تمام کورونا ویکسی نیشن سنٹر آج بند رہیں گے

تفصیلات کے مطابق صوبائی دارالحکومت لاہور میں کورونا ویکسی نیشن کا عمل جاری ہے تاہم محکمہ صحت نے آج سنٹرز بند کرنے کا اعلان کیا ہے ۔محکمہ صحت کے مطابق  کورونا ویکسی نیشن سنٹرکو سینی ٹائزاور صفائی ستھرائی کے باعث بند کیا گیا  ہے ۔شہر کے ویکسی نیشن سنٹرکل معمول کے مطابق کھلیں گے۔ محکمہ صحت کامزید کہنا ہے کہ شہری کورونا سے بچاؤکیلئےویکسین ضرور لگوائیں۔

خیال  رہے کہ  لاہور میں ایک ہفتے قبل  ویکسی نیشن سنٹرز کھولنے کا اعلان کیا گیا تھا جس کے تحت ا یکسپو سینٹر ،سپورٹس کمپلیکس ، والٹن ریلوے ڈسپنسری، پی کے ایل آئی اور دیگر دس ویکسی نیشن سینٹر پرکورونا ویکسین لگائی جائے گی۔

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق گزشتہ 24 گھنٹوں میں کورونا سے مزید102فراد چل بسے ۔ ملک میں  اموات کی مجموعی تعداد20 ہزار089ہوگئی ہے،جبکہ  متاثرہ افراد کی مجموعی تعداد8لاکھ 93 ہزار461ہو گئی ہے ۔ گزشتہ24 گھنٹوں میں مثبت کیسزکی شرح 5.95 فیصدرہی۔