مختلف سیاسی پارٹیوں نے الیکشن میں تاخیر کی قرارداد کی مخالفت کر دی

ترجمان تحریک انصاف نے کہا کہ اسمبلیوں کی تحلیل کے بعد دستور 90 روز کی آئینی مدت میں انتخاب کے انعقاد کے حوالے سے بالکل واضح اور دو ٹوک ہے،عدالتِ عظمیٰ انتخابات کے مقررہ تاریخ یعنی 8 فروری کو صاف شفاف انعقاد کا واضح حکم دے چکی ہے۔

انتخابات کے التوا کی غیر آئینی، غیرقانونی اور غیرجمہوری قرار داد کی منظوری کا معاملہ

پاکستان تحریک انصاف نے ایوانِ بالا سے انتخابات کے التوا کی غیرآئینی، غیر قانونی اور غیر جمہوری قرارداد کی منظوری کو نہایت شرمناک قرار دے کر مسترد کر دیا

اسمبلیوں کی تحیل کے بعد دستور 90 روز کی…

— PTI (@PTIofficial) January 5, 2024

بلاول ہاؤس میں پریس کانفرنس کرتے ہوئے پاکستان پیپلزپارٹی کی سینیٹر شیری رحمان کا کہنا تھا کہ پیپلزپارٹی نے سینیٹ میں انتخابات ملتوی کرنے کی قرارداد کی حمایت نہیں کی۔

انہوں نے کہا کہ چیئرمین بلاول بھٹو زرداری واضح کرچکے ہیں کہ ہم وقت پر الیکشن چاہتے ہیں، پیپلز پارٹی بروقت ، منصفانہ اور شفاف انتخابات چاہتی ہے جب کہ الیکشن کے لیے 8 فروری کی تاریخ سپریم کورٹ نے دے دی ہے ، ہماری انتخابات کی تمام تیاریاں مکمل ہوچکی ہیں اور امیدواروں کو بھی فائنل کرلیا ہے۔

مسلم لیگ ن لے رہنما میاں جاوید لطیف نے کہا کہ چور دروازے سے قرارداد پیش کرکے الیکشن ملتوی کرانے کی خواہش پوری نہیں ہوگی، مسلم لیگ ن اس کی بھرپور مخالفت کرتی ہے۔ ہم ایک لمحہ بھی الیکشن میں التواء نہیں ہونے دیں گے۔ہم ہر طرح کی سازش کے سامنے کھڑے ہیں، اس طرح چور دروازے سے قرارداد پیش کرنا اور منظور ہونا ایوان بالا کی توہین ہے۔

چور دروازے سے قرارداد پیش کرکے الیکشن ملتوی کرانے کی خواہش پوری نہیں ہوگی، مسلم لیگ ن اس کی بھرپور مخالفت کرتی ہے۔ ہم ایک لمحہ بھی الیکشن میں التواء نہیں ہونے دیں گے۔ہم ہر طرح کی سازش کے سامنے کھڑے ہیں، اس طرح چور دروازے سے قرارداد پیش کرنا اور منظور ہونا ایوان بالا کی توہین ہے۔

— Mian Javed Latif (@Mian_JavedLatif) January 5, 2024