مہنگائی کی شرح میں مزید اضافہ

محکمہ ادارہ شماریات نے ملک میں ہفتہ وار مہنگائی کے اعدادوشمار جاری کر دیئے ہیں۔
تفصیلات کے مطابق محکمہ ادارہ شماریات کے مطابق ایک ہفتے میں ملک بھر میں مہنگائی کی شرح میں 0.81 فیصد اضافہ ریکارڈ کیا گیا ہے۔

اعدادوشمار کے مطابق مہنگائی کی مجموعی شرح 42.86 فیصد ریکارڈ کی گئی ہے، اور ایک ہفتے میں 19 اشیاء ضروریہ کی قیمتوں میں اضافہ ریکارڈ کیا گیا۔

ادارہ شماریات کے مطابق ایک ہفتے میں 9 اشیاء کی قیمتوں میں کمی اور 23 کی قیمتوں میں استحکام رہا۔

ایک ہفتے میں ٹماٹر کی فی کلو قیمت میں 21 روپے تک اضافہ ہوگیا جس کے بعد ٹماٹر کی فی کلو قیمت مارکیٹ میں 124 روپے سے بڑھ گئی۔