شدید دھند کے باعث 27 پروازیں منسوخ

ملک کے مختلف علاقوں میں شدید دھند کے باعث فضائی آپریشن شدید متاثر ہے۔ ہفتہ کو 27 پروازیں منسوخ کردی گئیں جب کہ ہفتہ اور اتوار کی درمیانی شب سے کئی موٹرویز مختلف مقامات سے بند کردی گئی ہیں۔

پشاور سے شارجہ کےلیے پی آئی اے کی 2پروازیں منسوخ کردی گئی۔۔ لاہورسے بینکاک آنے اور جانے والی غیرملکی ایئرلائن کی پرواز منسوخ کردی گئیں۔۔

دھند کے باعث اسلام آباد سے ابوظبی کیلئے پی آئی اے کی تین پروازیں منسوخ کی گئی۔لاہور سے ابوظبی کےلیے پی آئی اے کی پروازکے264منسوخ کردی گئی۔

لاہور سے کراچی کےلیے نجی ایئرلائن کی 3پروازیں منسوخ ہوگئیں۔

اسلام آباد سے گلگت کیلئے پی آئی اے کی دو پروازیں منسوخ ہوئیں۔۔ اسلام آباد سے دبئی کیلئے پروازیں پی کے211اور212 بھی منسوخ ہوگئیں۔ 

ہفتہ کی شب کو ایک بار پھر خیبرپختونخوا اور پنجاب کے مختلف علاقے شدید دھند کی لپیٹ میں آگئے۔۔ موٹرویز کو مختلف مقامات سے بند کردیا گیا۔

لاہور سیالکوٹ موٹروے دھند کے باعث ٹریفک کیلئے بند کردیا گیا۔

موٹروے ایم فور ملتان سے عبدالحکیم تک اور موٹروے ایم ون پشاور سے برہان تک دھند کی وجہ سے بند ہے۔

موٹروے ایم فائیو کو ملتان سے اوچ شریف تک ٹریفک کیلئے بند کردیا گیا۔۔ موٹروے ایم تھری لاہور سے سمندری تک دھند کے باعث بند ہے۔ سوات ایکسپریس وے کرنل شیرخان سے کاٹلنگ تک دھند کے باعث بند کردیا گیا۔