اپیلٹ ٹریبیو نلز بدھ تک کاغذات نامزدگی پر فیصلہ سنائیں گے ،الیکشن کمیشن

عام انتخابات کیلئے کاغذات نامزدگی منظور یا مسترد کئے جانے کیخلاف دائر اپیلوں کو نمٹانے کیلئے تشکیل دیئے گئے اپیلٹ ٹریبیو نلز بدھ تک ان اپیلوں پر فیصلے کریں گے۔

ان ٹریبونلزکی سربراہی ہائی کورٹس کے جج کر رہے ہیں۔ انتخابی شیڈول کے مطابق امیدواروں کی ابتدائی فہرست جمعرات کو جاری کی جائے گی اور امیدوار جمعے تک اپنے کاغذات واپس لے سکتے ہیں۔

انتخابی نشانات اس ماہ کی تیرہ تاریخ کو الاٹ کئے جائیں گے جبکہ عام انتخابات کیلئے پولنگ اگلے ماہ کی آٹھ تاریخ کو ہوگی۔