ہزارہ کلچر ڈے کے موقع پر کراچی میں ریلی کا انعقاد

کراچی : کراچی میں نوجوانوں کی جانب سے ہزارہ کلچر ڈے کے موقع پر قائدآباد سے شاہراہ فیصل تک پرامن ریلی کا کامیاب انعقاد کیا گیا۔

ہزارہ کلچر ڈے چیف آرگنائزر وجاحت علی ربانی اور سید عمران شاہ  کی جانب سے ہر سال کی طرح امسال بھی کراچی میں علاقائی سطح پر ہزارہ کلچر ڈے جوش وخروش کے ساتھ منایا۔

کراچی میں ہزارہ کلچر ڈے کی مناسبت سے مختلف علاقوں میں پر امن ریلیاں نکالی گئیں جب کہ کراچی کے علاقے قائدآباد سے شاہراہ فیصل تک نوجواں نے ایک پر امن ریلی نکالی جس میں ہزارہ کی سیاسی اور سماجی تنظیموں کے رہنماؤں سمیت دیگر اہم شخصیات نے شرکت کی۔

ہزارہ کلچر ڈے کے موقع پر پر امن ریلی میں ہزاروں کی تعداد میں نوجوانوں نے شرکت کی، اس موقع پر بچے اور بوڑھے بھی شریک ہوئے جنہوں نے ثقافتی لباس زیب تن کیے ہوئے تھے۔

نوجونواں کی بڑی تعداد نے قافلے کی شکل میں قائدآباد سے شاہراہ فیصل تک پر امن مارچ کیا اور نوجوانوں نے ڈھول کی تھاپ پر روایتی رقص کرکے خوشی کا اظہار کیا۔